Հայաստանի Արբիտորների ասոցիացիայի անդամ Աիդա Ավանեսյանի «Հայցի ապահովման միջոցները միջազգային արբիտրաժում և Նյու Յորքի Կոնվենցիան» թեմայով հոդվածում
հեղինակը ներկայացնում է հայցի ապահովման միջոցների նշանակությունը՝ որպես գործի արդյունավետ քննության և ապագա վճռի իրագործման կարևոր երաշխիք։ Այս միջոցները, ինչպես օրինակ գույքի սառեցումը կամ պայմանագրային պարտավորությունների ժամանակավոր կասեցումը, նպաստում են կողմերի իրավունքների պաշտպանությանը, սակայն դրանց հարկադիր կատարումը մեծապես կախված է յուրաքանչյուր երկրի օրենսդրությունից և դատական համակարգից։
Հոդվածում առանձնահատուկ ուշադրություն է դարձվում նաև Նյու Յորքի Կոնվենցիայի կիրառելիության սահմաններին։ Թեև այն միջազգային արբիտրաժային վճիռների ճանաչման և կատարումն ապահովող առանցքային փաստաթուղթ է, հայցի ապահովման միջոցները միշտ չէ, որ ընդգրկվում են դրա շրջանակում։ Այս հանգամանքը առաջացնում է գործնական դժվարություններ և ընդգծում միջազգային համագործակցության ու դատական պրակտիկայի զարգացման անհրաժեշտությունը՝ միջանկյալ միջոցների արդյունավետ կիրառելիությունը ապահովելու համար։
